LankaNewsMaster

Fish tank

2010-09-19T11:31:00.000+05:30

චන්දෙන් පස්සේ පෝස්ටර්

2010-02-02T10:10:00.003+05:30

ජනාදිපතිවරනයට පෙරමෙන්ම පසුවද අපූරු පෝස්ටර් සෑරිසරිමින් පවතී.මේ ඉන් කිහිපයකි.

SMS එක

2010-01-25T22:49:00.002+05:30

Oyata dan sathutu athi

neda?mama kawadawath

hithuwe na oya wena

kenekge keema ahala

mata mehema karai

kiyala...ekai oyata

denna puluwan hama dema

deyakma dunne...

mama kohomada loketama

oya hondai kiwwa katin

narakai kiyanne?oyata

honda nam kamak na.

oyata kawada hari

mawa one wunoth man

langata enna. man thamath

oya gena hithanawa Fonseka!

oya dinuwama mata

Medamulanin kumburu kellak

karagena inna samawa denna!

mawa nathi kale mage

pawule un!

meeta,

sada novenas,

Mahinda

ජනාධිපතිවරණය උදෙසා ප්‍රධාන අපෙක්ෂකයන් දෙදෙනා භාවිතයට නොගත් මාධ්‍යයක් නොමැති තරම්වේ. ඒ අතර SMS වලට ද සුවිශේෂි ස්ථානයක් හිමිවීය.නොදන්නා නොම්මරවලින් එන මේ බොහොමයක් SMS වලින් කෙලින්ම කියා තිබුනේ මහින්ද රාජපක්ෂ මහතාට හෝ සරත් ෆොන්සේකා මහතාට චන්දය දෙන ලෙසයි.තවත්SMS වලින් පෙන්වාදුන්නේ එක් එක් සමීක්ෂන වාර්තා වලින් පෙන්වා දුන් පරිදි තම අපේක්ෂකයා අනෙකා පරදා ලබාගන්නා චන්ද ප්‍රතිශතයයි.ඒ අතර තුර ජනාධිපතිවරනයට පැය කීපයක් ආසන්න මේ මොහොතේදී මට ලබුනු සිංග්ලිෂ් SMS එකක සදහන් වූයේ ඉහත ආකාරයටයි.

දෙරණ කැමරාව

2010-01-25T13:16:00.003+05:30

ජෙනරාල් සරත් ෆොන්සේකාගේ කාර්යාලයෙදි දෙරණ නාලිකාවේ මාධ්‍යවේදියෙකු වූ වෙනුර කනිෂ්කගේ කැමරාවේ ඇතුලත් වීඩ්යෝ පටය පරීක්ෂා කිරීමට ජෙනරාල්වරයගේ ආරක්ෂක නිලධාරීන් කටයුතු කර ඇත.ඊට හේතු වී ඇත්තේ අනෙකුත් මාධ්‍යවේදීන් සමග කාර්යාලයට ඇතුල් වූ මොහු රූපගත කර්මින් සිටි දර්ශන පිලිබදව ඇති වූ සැකයකි.පසුව කරන ලද පරීක්ෂා කිරීමේදී ජෙනරාල් වරයාගේ ආරක්ෂාවට හා අදාලවන දර්ශන රැසක් මෙම වීඩියෝ පටය තුල තිබී ඇති අතර පසුව ඔවුන් විසින් දෙරණ කලමනාකාරීත්වයට මේ බව දන්වා ඇත.එහිදී කරුනු දැක්වූ එහි ප්‍රවෘර්ති අධ්‍යක්ෂ ෂෙහාන් බරණගේ පවස ඇත්තේ තමා මේ පිලිබදව කිසිත් නොදන්නා බවකි.

එහෙත් අදාල මාධ්‍යවේදියාට ඉහත කී දර්ශන රූපගත කරන ලෙස උපදෙස් දී ඇත්තේ ෂෙහාන් බරණගේ විසින් බව දෙරණ ප්‍රවෘර්ති අංශයේ බොහෝ දෙනා පවසති.

කෙසේ වුවද මේ පිලිබද වාර්තා කල ඇතම් වෙබ් අඩවි ප්‍රකාශ කර තිබුනේ ජෙනරාල්වරයාගේ ආරක්ෂාව සම්බන්ධ තොරතුරු ලබාදීම වෙනුවෙන් දෙරණ ප්‍රවෘර්ති අධ්‍යක්ෂවරයා රුපියල් මිලියනයක් ලබාගෙන ඇති බවයි.

2010 ජනාධිපතිවරණයේ දැන්වීම්

2010-01-23T22:23:00.012+05:30

පොඩි වුන් දෙන්නෙක් කුමක් හෝ කරුනක් අරභයා ගහ මරා ගනිමින් සිටී.මේ අතර තුර කලුපාට කාරයකින් යන කෙනෙක් මෙය දැක එම ස්ථානයට පැමිනේ. ඒ වෙන කවුරැවත් නොව එක්සත් ජාතික සන්ධානයේ ජනාධිපති අපෙක්ෂක ජෙනරාල් සරත් ෆොන්සෙකා මහතායි.අනතුරුව ජෙනරාල්වරයා බිම වැටී තිබෙන ඔවුන්ගේ බැට් එක අතට ගනී.මෙතෙක් වේලා මරා ගත් පොඩි වුන් දෙන්නාගෙන් කෙනෙක් විකට්ටුව පසු පසට යන අතර අනෙකා බෝලය දමයි.ජෙනරාල් වරයා පහර දෙයි.

අවාසනාවකට හෝ වාසනාවකට ජෙනරාල්වරයාගේ පහර උඩ පන්දුවක් වන අතර එක් දරුවකු එය රැක ගනී.ඉන් පසු මෙතෙක් වේලා මරාගත් දරුවන් දෙදෙනා බදා ගනිමින් සිටින අතර දැව් ගිය ජෙනරාල් වරයා සිනහ මුසු මුහුනකින් දරුවන්ට ආචාර කර එතැනින් නික්ම යද්දී පසු බිමින් මෙසෙ ඇසේ.බිදුන ජාතියක් එක් කල හැක්කේ සැබෑ නායකයෙකුට පමනි....ඒ මෙවර ජනාධිපතිවරනය වෙනුවෙන් විකාශය වන එක් රෑපවාහිනී දැන්වීමක් පමනි.මේ එම දෑන්වීම අතුලු තෝරාගත් ආකර්ශනීය දැන්වීම් කිහිපයකි.

ජනාධිපතිවරණයේ වැරදි කතා

2010-01-20T23:37:00.007+05:30

සමහරු කට ඇරිය සැනින් මොළය LOCK වේ. එමෙන්ම තමන් නිවැරදියයි සිතන බොහෝ අයට ද වරදී. මේ අඩංගු වන්නෙත් මෙවර ජනාධිපතිවරණ වේදිකාවේ ඇසුනු එවැනි වරදි කතා කිහිපයකි.වාසනාවකට හෝ අවාසානාවකට මෙහි අඩංගු බහුතරය විපක්ෂයේ අයට වැරදුනු තැන්ය.එහෙත් ඉන් අදහස් කරන්නේ ආණ්ඩුවෙ අයට වැරදුනු තැන් නැත යන්න නොවේ.

මල්ලි මම සෝමේ අයියා..

2010-01-18T23:25:00.030+05:30

ජනවාරි 27 වනිදා උදා වී තිබුනි.

අලුයම තෙක් ආන්ඩුවේ රූපවාහිනියෙන් ජනාධිපතිවරනයේ ප්‍රතිපල නැරඹූ මා නින්දට ගියේ විපක්ෂයේ පොදු අපේක්ෂකයා වූ සරත් ෆොන්සේකා මහතා ජයග්‍රහනය තහවරැ කල අවසන් ආසනයේ ප්‍රතිපල සමාලෝචනය කිරීමෙන්ද අනතුරුවයි.ජයග්‍රහනයෙන් උදම් වූ ජාතික රූපවාහිනියේ මහින්ද විරෝධී කන්ඩායම සජීවි විකාශය මැදට පැන රූපවාහිනියේ එ‍තෙක් කල් පැවති ලකුන වූ සැලළහිනියා ගලවා හංසයා ස්ථාපිත කිරීම පිලිබදව කරමින් තිබූ බරපතල තර්ක විතර්ක මැද මට සැටියෙම නින්ද ගොස් තිබුනි.

එහෙත් දිගු වේලාවක් නින්දේ සැප අත් විදින්නට මට අවස්ථාව නොලැබුනි.අවේලාවේ පැමිනි කවුදෝ පෝරිසාදයෙකු අපේ දොර කඩන්නට තරම් හයියෙන් තඩිබාන්නට වූ හෙයින් මම උඩ විසි වී ගොස් අවදි වුනෙමි.එක වරම සැටියෙන් බිමට පැන ඉදගත් මා කඩා වැටුනු සරම උස්සා ගනිමින්ම " කවුද?" යැයි උස් හඩින් විමසුවෙමි.

මල්ලි මම සෝමේ අයියා..

කවුද?

මල්ලි මම සෝමේ අයියා..ඉක්මනට දොර අරින්න...

ජෙනරාල් වරයා ජනාධිපතිවරනය දිනා පැය දෙක තුනක් යන්නට මත්තෙන් ඔහුට සහාය දැක්වූ ප්‍රබලම පක්ෂයක නායකය වූ සෝමවංශ අමරසිංහට මෙ වෙලාවේ අපේ ගෙදර දොරට තඩි බෑමට වඩා වැදගත් වැඩ නොතිබේ දැයි කල්පනා කරමින්ම මම දොර අරියෙමි.

හත් ඉලව්වයි...

මට ඉබේටම කියවිනි.

ළමයින් යොදා චිත්‍රපටි හදන සෝමරත්න දිසානායක මලානික වූ මුහුනකින් යුතුව ගෙට ගොඩ වී මා නිදා සිටි සැටිය උඩ වාඩි වී සුසුමක් හෙලීය.කුරහන් පාට පසුබිමක ලා නිල් පාට මල් වැටුනු නයිටියක් හැදගෙන සිටි රේනු අක්කාද සෝමෙ අයියා අනුව යමින් සැටිය අසල වූ පොඩි බංකුවේ ඉදගත්තාය.

ඔහුට කතාව ආරම්භ කරන්නට මම හූ මිටි තැබූවෙමි.

කවුද හිතුවෙ පැන්ෂන් ගිය හාදයා දිනයි කියල....

විද්වත් කලාකරුවන්ගේ එකමුතුවෙදි "ඔව් අපි මහින්දට කඩේ යනවා" යැයි

නිර්භීතව පැවසූ ඒ අභීත කලා කරුවා බායාදු ලෙසින් පවසන විට රේනු අක්කාගේ ඉකි බිදුම කෙමෙන් වැඩි වීය.

අපි හිතන් ඉන්නෙ රට දාලා යන්න..

මේ වෙලවේ පැනල යන එක මෝඩ වැඩක්..

මිනිස්සු වුනාම ප්‍රශ්න වලට මූන දෙන්න ඕනේ....

මම ඔවුන් දෙපලට යෝජනා කලෙමි.

මූන දෙන්න පුලුවන් විදිහටද අපි හැසිරුනේ..

ඔහු පෙරලා මගෙන් ප්‍රශ්න කලේ මා නිරුත්තර කරමිනි.මට එවේලේ හිතුනේ සෝමරත්න දිසානායක මෙන් මේ රටේ අනෙකුත් කලාකරුවන්ද සිතුවහොත් ලංකාවේ කලාවට සිදුවන නස්පැත්තියයි.අරලිය ගහ මන්දිරයේ භෝජන සංග්‍රහවලින් අනතුරුව සංවේදි නායකයාට චන්දය දෙන ලෙස ඉල්ලා සිටි කලාකරුවන් සියලු දෙනාම මෙලෙස රට අත හැර යන්නට තීරනය කලහොත් ලංකාවේ කලාව පෝෂණය කරන්නට ඉතිරිවන්නේ රන්ජන් රාමනායක හා උපෙක්ශා ස්වර්නමාලි (පබා) පමනි.එවැනි විනාශයක් සිදුවන්නට දී බලාගෙන සිටීම යුක්ති සහගත නොවේ.ටික වේලාවක් කල්පනා කිරීමෙන් අනතුරුව සෝමේ අයියාගේ කරට අත දමා ඔහු පසෙකට කැදවාගෙන ගිය මම ඔහුට අපූරෑ යෝජනාවක් කලෙමි.

එය පවසා ඔහුගේ කන ලගින් කට ගන්නටවත් මට අවස්තාවක් නොලැබුනි.ප්‍රීතියෙන් අත්පුඩියක් ගැසූ ඔහු රේනු අක්කා ලගට ගොස් ඇයටද මේ රහස කියන විට සතුටින් ඉපිලුන ඇයගේ තර කම්මමුල් නටන හැටි සිත්සේ බලාගන්නට පවා මට අවස්තාව අහිමි කරමින්ම බාගෙට ඇර දමා තිබූ දොරෙන් හිස බූ ගා ගත් පුද්ගලයෙක් අතුලු වීය.

"කෝ කොන්ඩය යැයි...." මා අසන්නට පෙර ඉක්මන් වූ සෝමේ අයියා "කෝ කැප් එක යැයි" ජැක්සන් ගෙන් විමසීය.

"කැප් එක නෙමේ..ඔලුව වත් බේරගන්න බැරුයි මම ඉන්නේ..අම්මපා ඔහේලට ගානක්වත් නැති හැටි..." යනුවෙන් ගෝරනාඩු කරන විට මට මතක් වූයේ සූරිය අරනේ වෑද්දායි.

ඒ අල්ල පනල්ලේ මා සෝමේ අයියාට කලාක් මෙන් රේනු අක්කා ජැක්සන්ද පසෙකට රැගෙන ගියාය.විනාඩි කිහිපයක කුටු කුටුවකින් අනතුරුව ජයග්‍රාහි ලීලාවකින් පැමින මගේ බඩට තට්ටුවක් දැමූ ජැක්සන් අයියා මෙවැනි ජන මූල සමාජ ක්‍රමයක මා වැනි අංකුර මාධ්‍යවෙදින්ට පහලවන අදහස් විශ්ලේෂනාත්මකව ඇගයීමට මේ රටේ වේදිකාවක් තැනිය යුතු බව කියමින් මා අගයකරන ලදි.

ඒ වන විට මා මේ තිදෙන මැද වීරයෙකු වී තිබිනි.රේනු අක්කා කුස්සියට ගොස් තේ පිලියෙල කරමින් සිටි අතර ජැක්සන් දුරකතනයෙන් කිහිප දෙනකු අමතමින් අපේ ගෙදරට එන පාර කියමින් සිටියේය.ඉන් පැය කීපයකින් අනතුරුව අපේ නිවස තරු වලින් ඒකාලෝකමත් වීය.

නලු නිලියන් මෙන්ම ගායකයන්ද මෝස්තර නිරෑපන ශිල්පිනියන්ද තැන් තැන් වල සිනහ මුසු මුනුනින් කුටු කුටු ගාමින් සිටි අතර බොහොමයක් දෙනා මා දෙසට ඇගිල්ල දිගු කරමින් ගෞරවාන්විතව බලන බව සරත් ෆොන්සේකා ජාතිය අමතන අයුරු රූපවාහිනියෙන් බලා සිටි මට නොපෙනුනා නොවේ.මේ අතර ආශා බෝස්ලේටත් මේ වැදගත් රහස කිවයුතු නොවේදෑයි B&S ප්‍රශ්න කරද්දී රවීන්ද්‍ර රන්දෙනිය කියා සිටියේ ඇය අහම්බෙන් පැමින ජනාධිපති මන්දිරයේ චුරාලියා ගීතය ගායනා කල පමනින්ම ඇයට අවස්ථාවක් දෙනවාට වඩා"තාරුන්‍යයට හෙටක්" දැන්වීම් මාලාවට පෙනී සිටි ආරාධනා කරන්නට අමතක වූ අය සිටි දැයි සේනක විජේසිංහගෙන් තහවරු කරගන්නා ලෙසයි.

තැනින් තැන ඔල්වරසන් දෙමින් ප්‍රීති ඝෝෂා නංවන තරු පිරිවර තමන්ට සුපුරුදු වල්පල් දොඩවන අතරම සිය අනාගත සෑලසුම් පිලිබදවද කතා කරනු මට අැසුනේ ප්‍රවීන රංගන ශිල්පී ජෝ අබේවික්‍රම මහතාට වැසිකිලිය පෙන්වන්නට ගේ මැදින් යන විටයි.

ඒකේ නම සරා කියල දාන්න තමයි මගෙ කල්පනාව....

ඒකත් අබා වගේම දැවන්ත නිෂ්පාදනයක් වේවි....

සිය තුනටිය අත ගාමින් ජැක්සන් ශ්‍රියන්ත මෙන්ඩිස්ට පවසනු මට පෙනුනි.

මම රාජිතගෙන අහලා "හංසයන්ටත් මං ආසයි" නව නිෂ්පාදනය කරනවා....

ඒකත් දැවැන්ත විප්ලවයක් වේවි....

ඩග්ලස් සිරිවර්ධන යෝජනා කලේය.

මම ඒ අතින් බලනකොට දුර දිග බලලා වැඩ කරපු මිනිහෙක්....

කොහෙදෝ සිට පැමිනි සෝමරත්න දිසානායක පැවසීය.බොහෝ දෙනා ඒ ඇයිදැයි අසන්නට මෙන් ඔහු දෙස බලද්දී ඔහු කියා සිටියේ ජනාධිපතිවරනය ඔන්න මෙන්න කියා තිබියදී අලි පැටියෙකු යොදාගනිමින් බින්දු වැනි චිත්‍රපටියක් නිෂ්පාදනය කිරීම හරහා තමා ශ්‍රී ලාංකීය සමාජයට දුන් පනිවිඩය බොහෝ දෙනෙකුට Click නොවූ බවයි.සමාජයේ පිරිහෙමින් තිබූ අලියාගේ ප්‍රතිරූපයට වටිනා කමක් දෙන්නට තමා පෙර සිටම කටයුතු කලා නොවේදෑයි පෑවසූ ඔහු මෙවරද ව්‍යාපෘතියේ නායක කම ඔහුට ලැබෙන බවට ටක්කෙටම ව්ශ්වාස යයිද පැවසීය.

කාලය තවත් පැය තුන හතරක් දක්වා ගෙවී යන විට හදිසියේ පැමිනි ඇමතුමකින් සියල්ලන්ම කලබල වන විට මා සිටියේ ස්වාධීන රූපවාහිනියේ විකාශය වූ රන්ජන් රාමනායක මෙහෙයවන තුලාව විශේෂ වැඩසටහන නරඹමිනි.නිරවද්‍ය අපක්ෂපාති මාධ්‍ය පිලිවෙතක නියලෙන ස්වාධීන රූපවාහිනියේ ස්වාධීන පිළිවෙතට මා වඩාත් ඇලුම් කලේ සුධර්මන් රදලියගොඩ නිසා නොවේදෑයි එක් විටම මට සිතුනි.

දඩාස් ගා පුටුවෙන් නැගිටි මා "අනේ සුධර්මන්ට මොනව වෙලාද දන්නෙ නෑ " යැයි අසන විට මාලනි අක්කා කලින් පැමිනි හදිසි දුරකතන ඇමතුමේ විස්තර දෙන්නට මා අසලටම පැමින සිටියාය.

"සුධර්මන් ලා ඉක්මන් වැඩියි...චමුදිතයි,සුධර්මනුයි,සංජීව එදිරිමාන්නයි වෙන්නප්පුවෙන් බෝට්ටුවක නැගලා ඉතාලියට පනින්න..මේ දැන් කෝල් එකක් දීලා කිව්වා එයලා දැන් සෝමාලියාවේ දේශසීමාවට ආවා කියලා.." ඇය පැවසුවාය.

"අපරාදනේ...එයාලත් තීරනයක් ගන්න කලින් අපි වගේ මේ මල්ලිව මුනගැහෙන්න ආව නම් ඔය කරදර මොකවත් නෑනේ " යැයි පෑවසූ විජය නන්දසිරි කීවේ පුංචි පහේ හපනෙක් තරම්වත් ඔවුන් දක්ෂ නොවන බව මෙයින්ම පැහදිලි වන බවයි.

මේ අතරතුර දූවිලි අවුස්සමින් ට්‍රේල් බයිසිකලයක අනුෂා දමයන්තිද කැටුව පැමිනි පින් පොන් මා අලුතෙන් ගෙනා රෝස පැලයක් සිටවූ මල් පෝච්චියට කකුල තබා ට්‍රේලය නවතා ඉන් පැන කලබලයෙන් පැමිනියේය.

"දිල් තෝ පාගල් හේ ද? " මෙච්චර විනාසයක් වෙලා තියෙද්දිත් හිනා වෙවි පිස්සු කෙලින්නේ..?මහින්දට කඩේ යන්න පටන් ගන්න කොටම මම කිව්වනෙ වැඩේ වෙන බව..සරත් කුලාංගට වෙච්ච වැඩේ අනික් එක අපිට වෙන්නේ...ආන්ඩුවේ මාධ්‍යකට ඔලුව දානව බොරු මීට පස්සෙ..."

වේගයෙන් කෑ ගැසූ පින් පොන් ලගට පැමිනි සෝමෙ අයියා තමාගේ චිත්‍රපටිවල සිටින ළමයෙකු සුරතල් කරන්නාක් මෙන් පින් පොන්ගේ නිකටෙන් අල්ලා සොලවා මෙසේ පැවසීය.

මල්ලි අපි කලා කාරයෝ..අපේ රස්සාව තමයි රගපාන එක...මහින්දට කඩේ ගිය එක ඔයා රගපෑව එක චරිතයක් කියල හිතා ගන්නකෝ..අපි සෙට් එකම දැන් ලැහැස්තිවෙලා ඉන්නේ සරත් ෆොන්සේකාට කඩේ යන්න..මොනව වුනත් අපේ රස්සාව රගපාන එකනෙ ..ඇන්දෙන එක මිනිස්සුන්ගෙ මෝඩකම..ඒකට අපිට කරන්න දෙයක් නෑ බොලේ" යැයි පවසමින් පින් පොන් අතුලු පමාවී අපෙ නිවසට ගොඩ වැදුනු කලාකරුවන්ට අවධාරනය කර සිටියේ මෙවැනි ශ්‍රේෂ්ඨ අදහසක් ලබා දුන් මා හට කෘතඥ වන ලෙසයි.

මුස්තෆා මුස්තෆා Dont worry මුස්තෆා!

2010-01-16T11:01:00.013+05:30

ස්වාධීන රූපවාහිනියේ ප්‍රවෘර්ති අංශයේ සේවය කරන මිතුරකුගෙන් ඊයේ හවස(2010.01.15) මට ලැබුනු SMS එකක මෙසේ සදහන් වීය.

Visuals+Details of the SF's Betrayel Mission'...

Watch 7 pm ITN News!

ස්වාධීන රූපවාහිනියේ මාධ්‍ය සදාචාරය ගැන හොදින් දන්නා මා මොන මළ ජරාවක් හෝ බලා මිතුරාගේ SMS එකෙහි ගෞරවය රැකිය යුතු නොවේදෑයි සිතා රෑ 7 ප්‍රවෘත්ති බැලූ විට තේරුනේ කයිවාරු ගැසූවද විමල්ටද යමක් කරගත හැකි බවයි.

එම වීඩියෝව බලන්න

කතාව පැහැදිලිය.ජාතික නිදහස් පෙරමුනේ කබ්බෙකු සල්ලි දී බාගන්නට ගිය එක්සත් ජාතික සන්ධානයේ මයොන් මුස්තාපා ඇතුලු පිරිස වැඩේ නෝන්ඩි කරගෙන ඇත.ජෙනරාල්ගේ බෑනාගේ ආයුධ සමාගම ගැන කියමින් හෙම්බත් වී සිටි රාජ්‍ය මාධ්‍යයන්ට දැන් මැතිවරනය හමාරවන තුරු රස බලන්නට KFC Chicken කෑල්ලක් ලැබී ඇත.

වෙනත් මඩ මෙන් නොව බැලූ බල්මට මෙම කතාව ඇත්තක් බව තේරෙන අතර එක්සත් ජාතික සන්ධානය දක්ෂ නම් කලයුත්තේ සාක්ෂි සහිතව මෙය ප්‍රතික්ශේප කිරීමයි.

කෙසේ හෝ මේ කතාවෙන් අපට හිතන්නට බොහෝ දේ ඉතුරු කරයි.

අපේ චන්දයෙන් පාර්ලිමෙන්තු යන වුන් එහා මෙහා පනින්නේ සල්ලි වලට බව මේ මගින් අපට තහවරු කරගත හැකි වනු ඇත.

එය හුදෙක් එක්සත් ජාතික සන්ධානය පමනක් නොව නිදහස් සන්ධානය නොහොත් වත්මන් රජයද කරගෙන යන ක්‍රියාවකි.ඒ නිසා බඩු අහුවුනු අය මෙන්ම බඩු පෙන්වන අයද එක වල්ලේ පොල් බව සිතන්නට තරම් දැන් අප දේශපාලනික වශයෙන් පරිනත විය යුතුය.ජාතික නිදහස් පෙරමුන වැනි පක්ෂයක එම්. මුසම්මිල් වැනි කබ්බෙකුට UNPය කෝටි 300 දුන්නා නම් SB හා ජොන්ස්ටන් වැනි දක්ෂයන්ට ආන්ඩුව කොයි තරම් දේ දෙන්නට ඇත්ද?එහෙත් අවාසනාවකට එවැනි දේ සොයාගන්නට තරම් UNP ය දක්ශ නැත. අනෙක් අතට විමල් සමග එකතු වී කෝටි 300 එපා කියන එම්. මුසම්මිල් එසේ කරන්නේ ඇත්තටම අපට ආදරේ නිසාද?නොඑසේ නම් මේ වීර ක්‍රියාව වෙනුවෙන් එම්. මුසම්මිල්ට හා විමල්ට කෝටි කීයක් දෙන්නට ආන්ඩුව පොරොන්දු වූවදෑයි අප නොදනී.එම මුදල සොයාගැනීම වැනි හපන් කමක් කර මීට පිලිතුරු දෙන්නට unp ය ද දක්ෂ නෑත.එමෙන්ම මුන් සියලුදෙනා අපිව රවටන බව දැන දැන ද උන් සමග නිදි වදින්නට නොයා ස්වාධීනව ඉන්නට තරම් අප ද දක්ෂ නැත. අපිටත් නිතරම අවශ්‍ය මෙලෝ රහකට නැති නාගරික මන්ත්‍රීවරයෙකු වැනි එකෙක් වුවද කමක් නැතත් ඌ දේශපාලකයෙකු නම් උගේ රෙද්ද අස්සේ රින්ගන්නටය. ඕවා ගැන සිතා දුක් වනවාට වඩා මීට අවුරුදු කීපයකට කලින් තිරයට ආ කාදල් දේශම් චිත්‍රපටියේ මේ සින්දුව නැරඹීම අගේ බව මගේ හැගීමයි.මන්ද ගීතය ආරම්භ වන්නේ(ගීතයේ දමිළ වචන ගැන මට අදහසක් නැති අතර මා අදහස් කලේ ඉංග්‍රීසි වචන ගැනයි) පට්ටපල් මෝඩ වැඩක් කර සිටින එක්සත් ජාතික සන්ධානයේ මයොන් මුස්තාපා මන්ත්‍රීවරයාගේ හිත හදමින් නිසාය.

ඒ වීඩියෝවත් බලන්න

සින්දු සින්දු චන්ද සින්දු

2010-01-13T23:04:00.008+05:30

ජනාධිපතිවරනය නිසා දෙපිලකට බෙදුනු මේ රටේ කලා කරුවන් වේදිකාවට නැග පෙලහර පෑම දැන් දැන් Out of Fashion වී ඇත. ඒ වෙනුවට දැන් ඔවුන් සරසවිය තමුන්ට දුන් වරමින් ප්‍රතිවාදීන්ට පහරදෙමින් සිටී.

ඒ අනුව සහේලි ගමගේ ගායනා කල "මහරජාණනනී..." ගීතයේ නව පද වැලක් සහ නව රූප පටයක් සමග කල එලි බැස ඇති අතර මාමා සහ බෑනා ලෙස ප්‍රකට රෝහන බැද්දගේ සහ බන්දුල විජේවීර ද නව ගීත දෙකක් නිකුත් කර ඇත.මේ එම ගීත කිහිපයයි...

මහරජාණනී - New version

ආයුබෝවේවා මහරජාණනී...

සිව් සිව් වරම් දුන් විවරනින්- සොහොයුරු කැලක් පහලව ඇතේ....

ඒ සොහොයුරන්- පෑ පෙලහරින් මේ දෙරන ජන මන් මත් කලේ...

මේ දෙරන ජන මන් මත් කලේ...

ආයුබෝවේවා මහරජාණනී...

යාපා පටුන වමතින් අල්ලා - දෙවුන්දර සුරතින්

බිලිදු මුවගට තොත්තු බෙදමින් - ලබපු බල මහිමෙන්...

දෙස් විදෙස් බවභෝග රැස් කල

මහරජාණනනී.....

ඉඩි අමින්

මේ කොහෙද ගියෙ?

උගන්ඩාවෙ ගියා ඉඩි අමින් බලන්න....?

මොනවා... ඒකා දෑන් මෑරිලා නේ...

නෑ අවතාරේ එනවා.. අවතාරේ එනවා..

මොකක් කිව්වා ඉඩි අමින්ගෙ අවතාරේ

රටවල් කන්නට ලෝකයේ යකුන් එනවා සෑරින් සෑරේ

අහලා නෑත්ද උගන්ඩවේ ඉඩි අමින්ගේ කතන්දරේ...

ඉඩි අමින්ගේ කතන්දරේ?

ලංකාවෙත් එහෙම වෙයිද?

මාමයි බෑනයි - Mahinda version

අතිගරු ජනපතිදුට බුද්දං සරනේ සරනයි

අතිගරු ජනපතිදුට ධම්මං සරනේ සරනයි

අතිගරු ජනපතිදුට සංගං සරනේ සරනයි

අපේ උතුම් සිරිලකටම - මේ තුන් සරනේ සරනයි...

බෑනන්ඩියේ පච හලනවා කොහෙද හිටිය හොර නඩයක්

මාමන්ඩියේ ඒ හින්දයි ආවේ මං තකහනියක්....

ජැක්සන්ගේ ගීතය

2010-01-12T00:10:00.020+05:30

වීර විකුම් පෑ ජෙනරල් වැලන්ටයින් උතුමානනි

අවසර නුබ පිලිගනන්ට කීකරු මේ බලුකුක්කට

කලකට පෙර මියදුනාට හතර රියනේ වැලලුනාට

නුබේ උත්තම රාජකීය උනුසුම මට දැනෙයි තාම

නුබේ සපත්තුව වැලද බදා

නුබේ සබුක්කුවෙ පහර කකා

රජ කල මනරම් සොදුරු දිවිය ඒ

දෙවියනි මූ අද කරති නිගා...

ඉරක් උදාවන්නේ කුමටා

අදුරතමා මට පරම සැපා

ඒ ගන අදුරේ කිරුල දරන්නට

උතුමානනි අද වඩිනු සොදා...

ජෙනරාල් වැලන්ටයින් උතුමානනි, මම ඔබේ කීකරෑ බලු කුක්කා....පැබ්ලෝ.....

මේ මීට කලකට පෙර රග දෑක්වූ ඊ.එම්.ඩී උපාලිගේ "මෙතනින් මාරෑ වෙනු" නම් වෙදිකා නාට්‍යයේ එන ගීතයකි.ගීතය ගායනා කරමින් රගපාන්නේ ජැක්සන් ඇන්තනීය.රංගනයෙන් සහය වන්නේ ජැක්සන්ගේම සොහොයුරා වන සේනක ටයිටස්ය.

මෙම ගීතය ඇසුරෙන් පහත සදහන් සරල ගැටලුවලට පිලිතුරු සපයන්න

01 මෙහි පැබ්ලෝ නම් චරිතය රගපාන නලුවා

දැන් රගන චරිතය කුමක්ද

02 කිහිලිකරුවේ සිටින්නේ කවුද?

03 බිත්තියේ එල්ලා තිබෙන රාමු කරන ලදපින්තූරයේ

සිටින්නේ කවුද? 04 මෙම පදවල තේරුම ඔබේ වචනයෙන් ලියන්න

නුබේ සපත්තුව වෑලද බදා

නුබේ සබුක්කුවෙ පහර කකා

රජ කල මනරම් සොදුරු දිවිය ඒ

දෙවියනි මූ අද කරති නිගා...

05 උතුමානනි, මම ඔබේ කීකරු බලු කුක්කා යන යෙදුමේ දී අදහස් කරන උතුමා කවුද?

06 මෙම ගීතය හා 2010 ජනාධිපතිවරනය අතර සම්බන්ධතාවක් තිබේ යැයි

ඔබ විශ්වාස කරනවාද?පහදන්න..

(ඔබේ පිලිතුරු ජනතාව දැනගන්නවාට කෑමති නම් පිළිතුරැ සැපයීමට පහතින් සදහන් ප්‍රතිචාර යන කොටස භාවිතා කරන්න)

රතු ඉර , අපේ රතු ඉර පැන්නවීය

2010-01-10T18:13:00.013+05:30

ස්වර්නවාහිනියේ මෑතකාලීනව ඉතාමත් ජනප්‍රිය වූ වෑඩසටනහක් වූයේ Comedy Starය.එමෙන්ම ඇන්ඩ් කොම්පෑනිය ද ස්වර්නවාහිනිය විකාශය කල ජනප්‍රිය විකට වැඩසටනක් වූ අතර එහි තේමාව වූයේ වත්මන් දේශපාලනයයි.මෙම වැඩසටහන් දෙකෙහිම හාස්‍ය අපූරුවට ගැබ් වී ඇති නිසා එවා රටේ බහුතර ප්‍රේක්ෂකයන් අතර ඉක්මනින් ජනප්‍රිය වීය.එහෙත් ස්වර්නවාහිනියෙන් විකාශය කරනර රතු ඉර නම් වූ දේශපාලනික සාකච්චාමය වැඩසටහන ප්‍රේක්ෂකයන් අතර ජනප්‍රිය වූයේ ඒ මගින් ගැඹුරු දේශපාලන සාකච්චාවකට අවතීර්න වන්නට මග පෑදුනු නිසය.එහෙත් මේ වන විට වඩා වැඩිපුර Market විහිලු බව අත්දැකීමෙන්ම දන්නා ස්වර්නවාහිනිය මෙම රතු ඉර නම් වූ දේශපාලන වැඩසටනද හාස්‍යමය රාමුවක් තුල ඉදිරිපත් කිරීමට ආරම්භ කර ඇත්දැයි සැකයක් ඇතිවූයේ පසුගිය සිකුරදා(2010.01.08) රාත්‍රී 10 ට විකාශය වූ රතු ඉර බැලු විටයි. කලක් සිරසTV විකාශය කල කතුර නම් වූ හාස්‍යයමය දේශපාලන සාකච්චාවට සමාන මෙම නව රතු ඉර නැරඹු ප්‍රේක්ෂකයන්ගේ රතු ඉර පැන්නේය.ඒ ස්වර්නවාහිනිය තමුන් බරපතල ලෙස ගොනාට ඇන්දූ බව අවබෝධ වූ විටයි.

ජෙනරාල් සරත් ෆොන්සේකාගේ බෑනාට අයිති ආයුධ සමාගම පිලිබදව විමල් වීරවංශ මන්ත්‍රීවරයා ඇවිලූ ගින්නට පිදුරු දැමූ ස්වර්නවාහිනියේ Live@8 විමල්ගේ අභියෝගය බාරගන්නට දයාසිරි ජයසේකර සූදානම් බව ප්‍රකාශ කලේය.විමල් සහ දයාසිරිට වාද කරන්නට රතු ඉර වේදිකාව වෙන් කල ඔවුන් රටම ඊට සූදානම් කලේය.වෙන එකක් තබා විමල් පාර්ලිමේන්තුවෙදි පවා මේ පිලිබදව ප්‍රකාශ කලේය.ස්වර්නවාහිනිය පූර්ව ප්‍රචාරක පට විකාශය කල අතර සිකුරදා Facebook හි පවා ඇතමුන් මෙම තීරනාත්මක සාකච්චාව ගැන සාකච්චා කර තිබූ බව මට මතකය.කෙසේ හෝ රෑ 10 ට රතු ඉර ආරම්භ වූ වද වැඩේ ලත් තැනම ලොප් වීය.

රජය පාර්ශවයෙන් විමල් හා රාජිත සහභාගී වී සිටි අතර විරුද්ධ පක්ෂයෙන් සිටියේ දයාසිරි පමනි.දයාසිරිගෙ තර්තය වූයේ වාදය කල හැක්කේ එක් අයෙකු සමග පමනක් බවයි.එහෙත් විමල් හා රාජිත දෙදෙනාටම මෙම වාදයට සහබාගී වීමට අවශ්‍යය විය.ඒ පිලිබදව දෙපාර්ශවය රෑ 12 ආසන්න වන තුරුම තර්ක කරගත් අතර අවසානයේදී දයාසිරි තරහවී නැගිට යන්න්ට ගියේය.පැය 2ක් ගොන් පාර්ට් බැලු අපි සෝමා එදිරිසිංහ ද මතක් කර නිදා ගත් අතර පසුවදා(සෙනසුරාදා) ඔවුන්ගේ ප්‍රධාන පුවත් විකාශය වූ Live@8මගින් පෙරදා සිදු වූ අපබ්‍රන්සය මෙසේ වාර්තා කර ඇග බේරා ගැනීමට අසාර්තක උත්සාහයක් ගත්තේය.

mailto:Live@8 වාර්තා කලේ මෙසේය

පලමුවෙන් කිවයුත්තේ නොදැනුවත්ව හෝ හිතාමතාම ස්වරනවාහිනිය මෙම වැඩසටහන්හි සම්බන්ධීකරන කටයුතු නිසියකාරව නොකර ඇති බවයි.සාකච්චාවට දෙදෙනෙක් එන බව තමා නොදන්නා බව දයාසිරි කියද්දි ආන්ඩුවෙන් දෙදෙනෙක් එන බව තමුන් කී බව විමල් කීවේය.මේ දෙන්නාම කී කතා දෙපාර්ශවය අතර හරි හැටි සන්නිවේදනය නොකල ස්වර්නවාහිනිෙය් රතු ඉර දයාසිරිගේ ඇගට Live@8 මගින් වරද පටවයි.(වීඩියෝ පටයේ 03.51 වැනි තප්පරය) එහෙත් ඊට කලින් විකාශය කල එම හඩපටයේදීම ඔහු පුන පුනා කියන්නේ තමන් වාද කරන්නේ තනියම බවයි.(වීඩියෝ පටයේ 01.58 වැනි තප්පරය)

අනෙක් කාරනය වන්නේ දයාසිරි තනියම පැමිනෙන බව ප්‍රකාශ කල බව නිවේදකයා පිලිගනී.එසේ නම් දයාසිරිගේ පැත්තේ තවත් හිස් පුටුවක් තබා වැඩසටහන ආරම්භයේදීම එහි සමීප රූපයක් පෙන්වන්නේ අප පුටුවක් වත් දැක නැති බව ස්වර්නවාහිනියේ ලොකු පුටුවල ඉන්නා උදවිය සිතූ නිසාවත්ද?

දෙපාර්ශ්වය වාද කරගන්නේ කෙසේද යන්න ගැන දිගින් දිගටම තර්ක කරද්දී අපේ කාලය නාස්ති නොකර වැඩේ සමථකයට පත් කර වැඩසටහන නිම නොකරමින් එකම කතා ටික හෝද හෝදා මඩේ දමමින් රෑ 12 වනතුරුම කල්මෑරුවේ ඒ වෙලාවට ඉහල මිලකට දෑන්වීම් විකුනා තිබූ නිසාවත්ද?

නොසේනම් කොයි තරම් සමබර අපක්ෂපාතී යැයි කීවද රජයේ ග්‍රහනයෙන් මිදී ප්‍රායොගිකව එය කරන්නට නොහැකි නිසා මෙය හිතා මතාම විරුද්ධ පක්ෂය අමාරුවේ දාන්නට ආන්ඩුව ඇටවූ උගුලක්ද?

කෙසේ හෝ අවසානයෙදි නෝන්ඩි වූයේ ප්‍රේක්ෂක අපයි.ඇන්දුනේද අපයි.උන් කල විවාදයක් නැත. වැඩිහිටියන් තිදෙනෙක් පොඩි වුන් මෙන් පුංචි කාරනාවක් මුලට ඇද ගනිමින් කල විහිලුවක් පමනි අප දැක්කේ.ඇත්තටම විවාදය කරන්නට වුවමනාවක් තිබුනා නම් දයාසිරිට පොඩි එකෙක් මෙන් එයා එක්ක මට බෑ යෑයි නොකියා මේ දෙදෙනා සමගම තර්ක කර්න්නට තිබුනි.ඒ අවස්ථාවේදීම රාජිත කී පරිදි එක පුද්ගලයෙකුට කීප දෙනෙකු සමග වාද කරන්නට සිදුවන අවස්ථාවන් කොතෙකුත් නම් ඇත්ද?
අනෙක් අතට විමල්ට හා රාජිතට වාදය කරගන්න්ට දී රාජිතට ස්වේච්චාවෙන් නැගිටින්නට තිබුනි.ඔහු එසේ කලේ ද නැත.
සියල්ල අවසානයේ අපට දැනුනේ ස්වර්නවාහිනියේ මීට මාස කීපයකට පෙර විකාශය කල Loving star බලන විට ඇති වන"මුන් කරන ගොන් වැඩ වැනි " හැගීමකි.

SB ගේ අලි ටෝකන්

2010-01-07T10:55:00.006+05:30

චන්ද්‍රිකා ලන්කට් එකක් ඇඳගෙන පාරේ යන හැටි හා අධිකරනයට බලු අධිකරනය යනාදි ‍‍‍‍‍‍ෛඑතිහාසික මෝඩ කතා කී SB දිසානායක UNP න් පිම්මක් පැන විත් මෙවර ජනාධිපතිවරන වේදිකාවට විහිලු සපයමින් සිටී.මේ ඔහුගෙ අලි ටෝකන් කතාවයි.කතාවට අනුව රනිල් හා සෝමවංශ වදුරන් දෙදෙනෙකි.ජෙනරාල් පෑන්ෂන් ගිය නරියෙකි. SBමේ උපමා කතාව කිව්වේ නාමල් ගේ මූලිකත්වයෙන හගුරන්කෙතදී පැවති ජන හමුවක් අමතමිනි.

ෆොන්සේකා තරහා වෙලා By මර්වින් සිල්වා

2010-01-06T17:49:00.007+05:30

ආචාර්ය මර්වින් සිල්වා අමාත‍්‍යවරයා නිහඩ යැයි අප සිතුවද එය එසේ නොවේ යැයි දැන් අපටම සිතේ.මන්ද ජනාධිපතිවරනයේ උනුසුමත් සමග ඔහු නැවත ජනතාවට විනෝදය සැපයීම ආරම්භ කර ඇති නිසාය.ඉස්සර මෙන් ලොකු ලොකු රැස්වීම් නොලැබුනත් තමන්ට ලැබෙන ගමේ වැඩ ටික ඔහු ප්‍රයෝජනයට ගනී.එමෙන්ම මැතිවරන ප්‍රචාරක රෑස්වීම් කලාව නව මගකට යොමු කර ඈති ඔහු දැන් ප්‍රතිවාදීන්ට පිලිතුරු දෙන්නේ ද ගීත වලිනි.

හොදයි.....

මෙන්න වේදිකාවේ ......,

ආචාර්ය මර්වින් සිල්වා......

පසු සටහන

උග්‍ර සන්ධාන විරෝධියෙකුවන UNP මිතුරෙකු මට සිටි.මර්වින් සිල්වා ගෑන කතා කරන විට ඔහු කියන්නේ මර්වින් සිල්වා යනු සටකපට ශූර දේශපාලකයෙකු වන මහින්ද රාජපක්ෂ ජනාධිපතිවරයාගේ දහම් ගැටයක් බවයි.මේ තරම් ගොන් පාට් කෙලින මර්වින් ආන්ඩුවේ තියාගෙන ඉන්නේ ඔහු කරන විකාර වලට ජනතාව හිනා වෙන අතරේ සිය දූෂිත පාලනය පිලිබද කරුනු ජනතාවට අමතක කරවීමට බව ඔහු පවසයි.මැච්, සංගීත සංදර්ශන වැනි යල් පැන ගිය Theory වලට වඩා මෙම විනෝදාස්වාදන ක්‍රමය තුලින් බඩු මිල ඉහල නෑගීමේ හා බදු බර ඉහල නැගීමෙ අවධානය ජනතාවගෙන් ඈත් කර තැබීම්ට හැකි බව දන්නා ජනාධිපතිවරයා ඒ සදහා වූ උපක්‍රමයක් ලෙස අසරන මර්වින් සිල්වා පත්කර ඇති බව ඔහු පුන පුනා කියයි.ඔබ හිතන්නෙත් එහෙමද?

පබාටත් බබා හම්බුවෙයිද?

2010-01-06T09:10:00.020+05:30

උපෙක්ෂා ස්වර්නමාලි ගෑන මේ දිනවල උනුසුම් කතාබහක් ඇති වෙමින් පවතී.ඒ ඇය පබා ටෙලි නාට්‍යයයේ රගපාන චරිතය නිසා නම් නොව ජෙනරාල් සරත් ෆොන්සේකාට සහය දීමට ප්‍රසිද්ධියේම ඇය ඉදිරිපත් වීම මෙන්ම ජෙනරාල් වරයාගේ වේදිකාවට නගින්නට තරම් ඇය නිර්භීත ද වූ නිසාය.ආන්ඩුවට සහය දෙන කලාකරුවන්ට වරප්‍රසාද ලැබෙන මට්ටමකදී ජෙනරාල්ට සහය දෙන අයට ලැබෙන ප්‍රතිපලය ගෑන අමුතුවෙන් කිව යුතු නොවේ.එක්සත් ජාතික පක්ෂයට සහය දෙන සරත් කුලාංගට රජයේ මාධ්‍ය වාරනය වීම ඊට කදිම උදහරනයකි.ලබ්බ්ට තෑබූ අත පුහුලට නොතියා ඉන්නට විදිහක් නෑත.ඒ නිසාට පබාටත් බබා හම්බුවිය හෑකි බවට බොහෝ දෙනා අනතුරු අගවති.ඒ අනුව උපේක්ශාට තව දුරටත් රජයට අයත් ස්වාධීන රෑපවාහිනියේ ජනප්‍රිය චරිතය වීමට ඉඩ නැති බවට මේ දිනවල මාධය ලෝකයේ කටකතා ගනනාවක් පෑතිරී ඇත.

ඉන් එකක් වන්නේ ජෙනරාල්වරයාට සහය දීමට පටන් ගෑනීමෙන් පසු පබා නාට්‍යයේ කතාව වෙනස් කරන්නට උපදෙස් ලෑබී ඇති බවයි.ඒ අනුව ඉදිරි සති කීපය ඈතුලත පබා අතුරුදන් වේ.(ලිපිය ලියන මොහොත වන විට විකාශය වූ කොටස් අනුව පබා ගෙදරින් තරහ වී ගොස් ඇත)
නැතහොත් පබා අනතුරකට ලක් වී හෝ ඇසිඩ් ප්‍රහාරයකට ලක් වී රෝහල් ගත කරන්නට සිදුවේ.ඉන්පසු ඇයට ප්ලාස්ටික් සැත්කමක් සිදු කරයි.ඉන් පසුව ඇගේ මුහුන වෙනස් වන අතර රගපාන්නේ වෙනත් නිලියකි.උපෙක්ෂාගෙන් ගිලිහෙන එම චරිතය ලබාගන්නට තාරුන‍ය්‍යට හෙටක් දැන්වීම් මාලාවේ දක්ෂ නීරෑපනයන් වල යෙදුනු බොහෝ දෙනෙකු ඉව අල්ලමින් සිටින බවද එහෙන් මෙහෙන් ඇසේ.

අනෙක් කතාවට අනුව පබා නාට්‍යය කොහොමටත් අවසාන වීමට ඇත්තේ ලබන පෙබරවාරි මාසයේය.එය දන්නා උපෙක්ෂා දැන් ඉතින් කොහොමත් එකයි නොවේදැයි සිතා සරත් ෆොන්සේකා මහතාට සහය දීම පිලිබදව වූ කුකුස ඉවත් කර එක හිතින් චන්ද සටනට අවතීර්න වී ඇති බවයි.

මේ කතන්දර ඇත්ත හෝ බොරු වන්නට පුලුවන.එහෙත් එක කතාවක් පෑහැදිලිය.ඒ සෝමරත්න දිසනායකගේ සහ උපෙක්ෂා ස්වර්නමාලිගේ වෙනසක් නැති බවයි.දෙන්නාගේම රස්සාව කලාවය. දෙන්නාම සිය ජනප්‍රියතාව හරහා ලෑබුනු සිවිල් බලය භවිතා කරමින් අපට බලපෑමක් කරයි.ඒ බලයට පත් වූ පසු මෙන්ම දැනුදු තමන්ට වරප්‍රසාද ලෑබෙන සිය අපෙක්ෂකයා දිනවන ලෙසයි.අපට ඉන් ලැබෙන කිසිදු දෙයක් නෑත. දිනන්නේ ද රගපාන්නේද උන්ය.අප කරන්නේ නලු නිලියන්ගේ හා දේශපාලකයන්ගේ රගපෑම් වලට රෑවටීම පමනී.වෙනස වන්නේ කලින් කලට චරිත මාරුවීමයි.

පබා, ජෙනරාල්ගේ වේදිකාවේ දී ජනතාව අමතන අවස්ථාවක්

සෝමේ සහ වැල සෝමේ

2010-01-05T17:52:00.016+05:30

ජනාධිපතිවරනයෙන් පසු අපි ඇතැම් මාධ්‍ය මෙල්ල කරනවා...

කිරීම නොකිරීම ‍කෙසේ වෙතත් මෙවැනි කතාවක් කියන්නට මේ රටේ ජනාධිපතිවරයාට හැකියාවක් ඈත.ජනමාධ්‍ය ඈමතිවරයටද මෙවැනි ප්‍රකාශයක් කිරීමේ වගකීමක් හා බලයක් ඈත.

" ඔව් අපි ජනාධිපතිතුමාට කඩේ යනවායයි" විලි ලජ්ජාවක් නැතිව ප්‍රසිද්ධියේ කියන ළමයින් යොදා චිත්‍රපට හදන සෝමරත්න දිසානායකට මෙහෙම කතාවක් කියන්නට හැකිද? මේ කොයිතරම් බරපතල කතාවක්ද?
ඔහු මේ චන්ඩි කතාව කිව්වේ සිරසTV හි සටන දේශපාලන සාකච්චාවට සහභාගිවෙමිනි.
මේ රටේ කලා කරුවකුගෙන් බලාපොරොත්තු විය නොහැකි මට්ට්මේ මේ ගොන් කතාව නිසා රජය බලවත් අපහසුතාවකට පත් වී ඈත.දැන් මෙවැනි කතා කිව්වද සිය චිත්‍රපටයක් පිලිබදව සාකච්වාකට කතා කල විට නම් ඔහු චැනල් ගනනේ රස්තියාදු වන හැටි ඔහුට අමතක වූවාට අපට මතකය. තමා හදන හෑම චිත්‍රපටයක්ම රජයේ බලධාරීන්ගේ අනුදැනුම මත අධ්‍යාපන අමාත‍්‍යංශයේ ලොක්කන් ලගට ගෙන ගොස් ඔවුන්ට සලකා ඉක්බතිව ඔහු කරන්නේ එම නිලධාරීන් හරහා පාසල්වල විදුහල්පතිවරුන්ට එම චිත්‍රපට බලන්නට යන ලෙස දරුවන්ට බලපෑම් කරවීමයි.නැතහොත් පාසල් දර්ශන සංවිධානය කරන ලෙස විදුහල්පතිවරැන්ට බලපෑම් කිරීමයි.නිර්මානශිල්පියෙකු ලෙස ඔහු කරන ඇතැම් නිර්මාන සෑබෑවින්ම සුන්දරය(එහෙත් ඇතැම් විට කරන්නේ ළමයින් යොදාගනිමින් වැඩිහිටියන්ට චිත්‍රපට හැදීමයි) .එහෙත් මෙවෑනි කූට වෑඩ කරමින් තමන්ගේ කුට්ටිය බා ගන්නා අතරේ මාධ්‍ය වලට සත්තම් දෑමීම හරක් වැඩකි.එය මේ රටේ මාධ්‍යය නිදහසට එල්ල කල බරපතල පහරකි.

මේ පිලිබදව සිරසTV හි News First වෙත අදහස් දක්වමින් එක්සත් ජාතික පක්ෂයේ පලාත්සභා මන්ත්‍රී සුජීව ‍සේනාසිංහ කිව්වේ සදාචාරය මුවාවෙන් මාධ්‍ය මෙල්ල කලයුතු බව පවසන සෝමරත්න කසාද 3 කරගෙන ඇති බවයි.එහෙව් සෝමරත්නට අපේ සංස්කෘතිය හා සාරධර්ම ගැන කතා කරන්නට අයිතියක් නැති බව ද ඔහු කීවේය.
එහෙත් අප විස්වාස කරන්නේ නම් මේ රටේ ගෑනු මිනිස්සුන්ට තම අභිමතය පරිදි පවතින නීතියට අනුව කසාද බදින්නට හේ දික්කසාද වන්නට හැකි විය යුතු බවයි.එහෙයින් සෝමේ ගෑනු කී දෙනෙක් එක්ක බුදියගත්තද රේනුකාට මෙන්ම අපටද කමක් නැත.වෙන එකක් තියා උන්ගේ ශිෂ්ණ හා යෝනි වලින් උන්ගේ අභිමතය පරිදි ආණ්ඩුවේ පෝස්ටර් ගහන්නට පාප්ප ඇනුව ද අපට කමක් නැත.එහෙත් ඒ පාප්ප වලින් අලවන පෝස්ටර් වල ලියාතිබෙන දේවල් වලින් මේ රටේ ජනමාධ්‍ය නිදහසට බලපෑමක් වේ නම් අප ඊට හඩක් නැගිය යුතු නොවේද?

පසු සටහන
අප කුඩා කල වැල සෝමේ නමින් හැදින් වූ හැඩිදැඩි නූගත් මිනිසෙක් අපේ ගමේ ජීවත් විය.වැසිකිලි වලවල් උතුරා යනවිට ඉසීම,කුනුවූ මිනී මල් ශාලාවට පැටවීම,කුලියට මිනී වලවල් කැපීම වැනි කටයුතු සිදුකලේ වෑල සොමේය.වරක් මම දන්නා කියන තරුනියකගේ මගුල් මුද්ද වෑසිකිලි වලේ වැටුනු විට වැල සෝමේ වෑසිකිලිවලට අත දමා එය රෑගෙන දුන් අතර අනතුරුව ඒ ගෙදර කුස්සියේ සිට බත් පිගනක් කෑ වැල සෝමේ නිවෙස් හිමියන් දුන් රුපියල් දහයද ගෙන ගෙන සතුටින් උරෑවම් බාමින් ගියේ පාරේ උන් පොඩි වුන් ද බය කරමිනි.

මර්වින්ගෙ ළමයි

2010-01-03T15:07:00.007+05:30

"මට අල්ලපු ගෙවල්වලත් ළමයි ඉන්නවා.. අපේ නෝනට විවේකයක් දෙන්න ඔනේ නිසා නෝනයි
මමයි කතා කරගෙන ඒක කලේ..."

මෙසේ කියන්නේ ආචාර්ය මර්වින් සිල්වාය.නැතහොත් මේ රටේ කම්කරු ඇමතිවරයායි. තාත්තාගේ මොලේ අවුල නිසා හරියට හදා ගන්නට බැරුව තාත්තා මෙන්ම වල්Beat කෙලින පුතෙකුගේ හා නීතිඥවරියකගේ තාත්තා කෙනෙකි.අනේ අපේ රටේ සදාචාරයට ගිය කල....

මෙවර මෑතිවරනයේදි මර්වින් සිල්වා නිහඩ කර ඇත්තේද මෙවැනි මෝඩ කතාවලින් රජයට සිදුවන අවාසිය මගහරවාගෑනීමට බව බොහෝ දෙනා කියති.

සුදර්මන් එක්ක කොරියා යමු

2010-01-01T23:28:00.012+05:30

සුදර්මන් රදලියගොඩ ද රජයේ ප්‍රවෘර්ති දෙපාර්තමීන්තුවෙන් නිකුත් කල හැදුනුම් පතක් ඇති මාධ්‍යයවේදින් අතරින් කෙනෙකි.එහෙත් අනෙක් මාධ්‍යයවේදින් අතුරින් ඔහු වෙනස්වන්නේ ලජ්ජවක් නැතිව එලිපිටම ඔහු රජයට කඩේ ගිය නිසාය.සමබර යැයි කියාගනිමින් ඔහු කල තුලාව රටටම තුවාලයක් බවට පත් වූ අතර ඔහු කල මෙහෙයට කලගුන සෑලකූ රජය පඩුවස්නුවර ආසන සනංවිධායක කම ද පිරි නැමීය.එක අතකට එය කමක් නැති බව කාට හො කිව හැක.මන්ද මීයක් කඩන්නෙ අත ලෙව කන්නට නොවන නිසාය.එහෙත් කතාව එය නොවේ.සුදර්මන් ද දබර අමිල හිමි මෙන් කොරියා රෑකියා ජාවාරමක් කර අහිංසක ජනතාවගෙන් ලක්ෂ තුන ගනනේ වන්චා කල බවට තොරතුරු ලැබී තිබීම නිසාය.රහසේ පටිගතකල YOU TUBE හි ඈති වීඩියො පට මගින් මෙම ගනුදෙනුව ගැන තොරතුරු අනාවරනය වී සුදර්මන්ගේ පටි හිරවී වී ඈත.එය පෙන්වා දෙන පරිදි මෙම ගනුදෙනුව සිදුවී ඇත්තේ 2008 වසරේදි වන අතර මේ දක්වා ඔවුන් රට යවා නොමැති අතරLankaNewsMaster වෙත කරුනු හෙලිකල මෙයට අසුවූවකුගේ මිතුරෙකු පැවසුවේ බොහො දෙනුකුගේ මුදල් නැවත ලෑබී නොමැති බවයි. කෙසේ වුවද කොරියා රෑකියා ජාවාරම් චොදනාවකට ජනතා විමුක්ති පෙරමුනට සහයදෙන දේශහිතීශී ජාතික ව්‍යාපාරයේ සබාපති දබර අමිල හිමියන් අත් අඩංගුවට ගෙන ඒ බව රස කර කියන මාද‍ය්‍ය හො නීතිය හො මේ වගක් නොදනී....?

එකම වරද කල දෙදෙනෙකු හට ලැබෙන දෙවිදිහක ප්‍රතිපල අපූරුයි නේද?

පලමු වීඩියො පටය

සුදර්මන් රදලියගොඩ

දබර අමිල හිමි

දෙවන වීඩියො පටය

මර්වින් කතාකරයි !

2010-01-01T17:22:00.000+05:30

පසුගිය දවස්වල බොහො දෙනා මර්වින් ගැන සොයා බැලුවේ මැතිවරන වේදිකාවේ ඔහු වැඩිපුර පෙනෙන්නට නොසිටි නිසාය.ඇතමුන් කීවේ මර්වින් කට ඇරියොත් කියන ගොන් කතාවලට චන්ද කැඩෙන්න්ට ඉඩ ඇති නිසා දෑන් ඔහුට මෑතිවරන වේදිකාවේ තැනක් නැති බවය.ඇමතිතුමාට විරුද්ධ කැලනියේ ඇතමුන් කීවේ දැන් ඔහුගේ බලතල කප්පාදු කර ඇති නිසා වෙනදාට ඔහුට වදින පොලිසිය පවා ඔහු ගනන් ගන්නේ නැති බවය.කෙසේ වුවද අපට හිතන්නේ නම් ආචාර්ය මර්වින් සිල්වා දැන් Megaවැඩ වලට මිස පොඩි පොඩි වැඩ වලට අත ගසන්නේ නැති බවයි.එහෙම හිතෙන්නේ ස්වර්නවාහිනියේ Megastar වැඩසටහනේ තරු තොරන්නට ගොස් හැසිරෙන ආකාරයටයි.මේ අල්ලපනල්ලේ ජෙනරාල් සරත් ෆොන්සෙකා ද පසුගිය දා ප්‍රකාශ කර තිබුනේ තමුන් බලයට පැමිනි පසු කුඩු ගෑමුනුලාට සලකන බවයි. කාලයක් තිස්සේ ලයිෂන් චන්ඩියෙකු සේ හෑසිරුන මර්වින්ට ඒ කතාවලට යකා නැග නැග තිබූ වෙලාවේ වසනාවකට මෙන් කතාවක් කරන්නට අවස්ථාවක් ලෑබුනි.මේ එම අගනා කතාවේ කොටසකි...

නිමල් සිරිපාලගේ බැනියම

2009-12-31T23:41:00.001+05:30

ලංකාවේ සෞඛ්‍ය ඇමතිවරයා පසුගිය කාලයේ වඩාත්ම කතා බහට ලක් වූ ඇමතිවරයෙකි.ඒ රුබෙල්ලා,නව ඉන්ෆ්ලුවෙන්සාව,සූකර උන හා ඩෙන්ගු වැනි වසංගත නිසාම නොව ඒවාට ඇමතිවරයා මුහුන දුන් ආකාරය නිසා යයි මට සිතේ.සැලසුමක් නැති වීම හා හදිසී තත්ත්වයන්ට නිසි ආකාරයට මුහුන නොදීම නිසා අපට මේ අකරතැබ්බ වලට මුහුන දීමට සිදුවුන බවට බොහො දෙනා චොදනා කරන ලදි.මීට වඩාත්ම හෙතුව වූයේ තමන් ලොක සෞකඛ‍ය සංවිධානයේ සභාපතිවරයා බවට ප්‍රචාරය කරගන්නට ඔහු දක්වූ තදබල කැමත්තයි.(අපදන්නා ආකාරයට නම් ඔහුට ලැබුනෙ එම සංවිධානයේ විධායක කමිටුවක සභාපතිකමයි ).කරවටක් ගිලුනු ප්‍රශ්න මද දේශපාලන කයිවාරු ගසීමට ද කිසිවිටෙක අමතක නොකල ඔහුට තරු පෙනුනේ එන්නත් කුප්පි වල තීබී කෙස් ගස් ඇතුලු විවිද දෑ හමුවන්නට පටන් ගත් විටයි.මේ Graphic ශිල්පියෙකු එය දුටු අපූරෑ ආකාරයයි....

පසු සටහන
කලාපෙය් අනික් රටවල් හා සෑසදීමෙදි ලංකාව සෞකඛ‍ය ශේස්ත්‍රයෙන් ඉදිරියෙන් සිටී.

මේව නම් ගොන් වැඩ

2009-12-30T23:22:00.000+05:30

චන්දය මේ වන විට මරාගෙන මැරෙන සටනක් බවට පත් වි ඇත.ප්‍රධාන අපෙක්ශකයන් දෙදෙනා සහ ඔවුන්ට සහයොගය දක්වන පක්ශ එකිනෙකට මඩ ගසා ගනිමින් දගලන්නේ අනිකා නොමරා මරා හො චන්දය දිනන්නටයි.ඔවුන් එක අතකට සාධරනය.තමුන් දිනු පසු සිත්සේ වංචා කල හැක.කොමිස් මුදල් ලබාගත හැක.පාලනය තමුන්ගෙ අතෙ නිසා තමුන්ගෙ උදවියට සැලකිය හැක.අන්තිම නරක ක්‍රමයට හො දිනුවොත් කල්ල මරේය.ඒ නිසා බලය වෙනුවෙන් ඔනෙම බලු වඩක් කිරීමට දේශපාලනයට පිවිසෙන අය සූදානම්ය.මේ එහි උච්ච අවස්තාවකි.
අනෙකා මරා දමා හො අනෙකා බල්ලාට අන්දවා හො චන්දය දිනිය යුතුය.අප මොන තරගයකදී වත් අනෙකාගේ මරන මංචකය දිහා බලා සතුටු වන්නෙ නැත.එහෙත් දැන් එයද සිදුවේ.මෙවා කවරැ කලත් අන්තිම ගොන් වැඩයි.මේ ඉන්නෙ උල තැබිය උතු අපාරාධ කරුවෙකු වුවත් කාගේ හො තාත්තා කෙනෙකි.මොන තරගයේ හිටියත් අනෙකාගෙ මරනය දෙස බලා ආතල් එකක ගන්නට තරම් අපේ සමාජය පිරිහී ඇත. මෙහි හොදම කතව එය නොවේ.මේ ගොන් වැඩ බොහොමයක කරන්නෙ දේශපාලනයෙන් කිසිදු ප්‍රතිලාභයක් නොලබන අපේ පන්තියේ හරක් වීමයි.හුදෙක් තමන්ගේ ආතල් එක වෙනුවෙන් දේශපාලන පක්ශ වෙනුවෙන් දර දිඅය අදින අපි අන්තිමට හදිසියකට අපට සිටින ලග පාත අසල් ‍වැසියන් සමගද උරන වීමට හෙතුවක් වන්නේ දේශපාලන මතිමතාන්තරයි.අපේ ගෙදර හදිසියකට මහින්ද හො ජෙනරාල් එන්නේ නැත.ලොකු වුන් ඔනේ දෙයක් කරගත්තාවේ.අපි අපේ ගොන් වැඩ නවත්තමුද?

අලුත් washing powder එක

2009-12-30T16:20:00.006+05:30

හඩ්සන් සමරසිංහට කොයි කවුරුත් කියන්නේ හඩ්ඩා කියායී.මා‍ධ්‍යයෙවිදියෙකු ලෙස ඔහුගේ භූමිකාව ගැන සිතන විට ඒ නමෙහි ඇති වරදකුත් නැත.ගුවන් විදුලි සංස්ථාවේ වත්මන් සභපතිවරයා ලෙස ඔහු නටන පිස්සුව මාධ්‍යවිදියෙකු තියා මොලෙ ඇති කිසිවෙකු මලාට කරන්නෙ නැත.හඩ්ඩා ඒ තරමට කඩේ යන්නට සූරයෙකි සමකාලීන නිව්ටන් ගුනරත්න වනි අයටද හඩ්ඩා සමග කඩෙ යාම පිලිබදව තරග කිරීම අපහසුය.

රට යන අත නමින් ගුවන් විදුලියෙ ඔහු කරන උදෑසන වඩසටහන ගෙදරක අහන්නට අපහසුය.කොටින්ම කිව්වොත් හඩ්ඩා ගුවන් විදුලිෙයන් කුනුහරැප පවා කියමින් මාධ්‍ය සදාචාරය බින්දුවට බස්සවා ඇත.මේ ඔහු රෙදි සොදන රෙදි සෙදිල්ලට දිය හැකි කදිම ප්‍රතිචාරයකී.ඒ අතින් බලන විට මාධ්‍යවිදින් යැයි කියාගන්නා හඩ්ඩලා වෑනි පිස්සන්ට වඩා අද කාෙල් කොල්ලන් කොයි තරම් නිර්මානශීලිද?එහෙත් අද රටේ මහ පුටුවල ඉන්නෙ රෙදි සොදන්නන්ය.රටට බඩුම තමයි...